Тағы да өлең. Алып сатар құсап сіздерге өлең ұсына беретін болдым. Несі бар, оқығысы келген адам оқи жатар. Өлеңімді өмірдің тінімен туырлығын туралап, күнімен керегесін кеңейткім келмеді. Сол себепті мынау неге ол өлмейтін шығар деп шыр-пыр болып отыр деместен, төменге көз тігіңіз, бұл әншейін, ауыз екі айтылған лепірме, өлең төменде

…тірі болсам…

Қою қара іңір…

Менің көгім күрсінеді

Талып жетіп құлақтарға дауысы…

Қалаға әрең жеткен бұл дыбыс…

Жаңғыртады не себептен тау ішін…

Менің жаным түршігеді…

Қапас қала түрмесіне қамалып…

Еркіндікте жүріп-ақ…

Азаттықтағы бостандықтың…

Таппайды ешкім амалын…

Менің санам білсін нені…

Мишықтағы қатпарлар қозғалмайды…

Зіл басып, жарығы түнде өшкен…

…кеңістіктегі атмосфераның тылсымына еніп…

Ұйқының Өңінде тілдескен…

Менің ойым шашыраған…

Сәуленің жарығы…

…қосындылардың нәтижесінде сынаптай еріген…

…анығы –

Соқыр ғаламның…

Шарықтау шегіндегі Ұйқысымен…

Бейуақыт үндескен…

Менің әнім…

… қыстығып шыққан Музаның үні…

Әлдекімдерді мезі еткен…

Әлдекімдердің Ой-төбесін оттай қарыған…

Гипербола қосып сөз етсем…

Жөргекте жатып-ақ…

УЫЗ-ӨЛЕҢГЕ жарығам…

Менің кредом…

Сордың тілі…

Шерменен күнбе-күн санасқан…

Ұғынып қайғының байламын…

шаттықтың көгіне ұмтылып…

Жетпеген, бірақ та, күрескен, таласқан…

Менің бақытым…

Қара аспан…

Сәуледен ада-күде…

Мұңлы музыкамен сырласқан…

Қорқыттың қобызын асынып…

Өлімнен қашып…

едәуір қырды асқан…

ҚАРА аспан…

Көгіне шындықтың туы байланғанда…

Жырымды нотаның тілінде сайратып…

Шырқаймын шаттықтың шегінде Алашқа ән…

…тірі болсам…

Advertisements